सोनाळा : सोनाळा परिसरात अल्पवयीन मुलीशी संबंधित गंभीर स्वरूपाचा अत्याचाराचा प्रकार उघडकीस आला असून, या प्रकरणी तिघांविरुद्ध पोक्सो कायद्यान्वये गुन्हा दाखल करण्यात आला आहे.
पोलीसांनी दिलेल्या माहितीनुसार, एका अल्पवयीन मुलीला लग्नाचे आमिष दाखवून तिच्यासोबत जबरदस्तीने संबंध ठेवल्याचा आरोप मुख्य आरोपीवर करण्यात आला आहे. तसेच संबंधित प्रकरणात इतर दोन जणांनीही मुलीवर दबाव टाकून तिला आरोपीसोबत राहण्यास भाग पाडल्याचे तक्रारीत नमूद आहे. यासोबतच, पीडिता व तिच्या नातेवाईकांना धमकावल्याचाही आरोप करण्यात आला आहे. या सर्व प्रकारामुळे पीडिता गर्भवती असल्याची बाब समोर आली असून प्रकरण अधिक गंभीर मानले जात आहे. पीडितेच्या नातेवाईकाने दिलेल्या फिर्यादीवरून पोलिसांनी संबंधित तिघांविरुद्ध भारतीय न्याय संहिता व पोक्सो कायद्याअंतर्गत विविध कलमान्वये गुन्हा दाखल केला आहे. या प्रकरणाचा पुढील तपास पोलीसांकडून सुरू आहे.
