Vidharbh live

संग्रामपूर : दुचाकी घसरून झालेल्या भीषण अपघातात एका ३८ वर्षीय तरुणाचा मृत्यू झाला, तर दुचाकीवर मागे बसलेली महिला गंभीर जखमी झाली. मात्र, अपघातानंतर जखमींना मदत करण्याऐवजी काही जणांनी मदतीसाठी पुढे येणाऱ्यांना अडविल्याचा गंभीर आरोप समोर आला आहे. या प्रकरणी तामगाव पोलिसांनी सहा जणांविरुद्ध विविध कलमान्वये गुन्हा दाखल केला असून, या घटनेने परिसरात खळबळ उडाली आहे….

सुलतानपूर : शहरातील गजबजलेल्या रस्त्यावर वाहतूक कोंडी झाली की वाहनचालकांचे लक्ष रस्ता मोकळा करण्याकडे असते. मात्र, याच गर्दीचा फायदा घेत चोरटे हात साफ करण्याची संधी शोधत असल्याचे समोर आले आहे. सुलतानपूर शहरात भरदिवसा घडलेल्या चोरीच्या घटनेत एका मंडळ अधिकाऱ्याच्या कारमधील रोख रक्कम आणि शासकीय साहित्य चोरट्याने लंपास केले. या प्रकारामुळे शहरातील सुरक्षिततेचा प्रश्न पुन्हा ऐरणीवर…

नांदुरा : राष्ट्रीय महामार्गावर धाब्यावर जेवणासाठी गेलेल्या दोन परिचितांमध्ये किरकोळ कारणावरून सुरू झालेला वाद थेट मारहाणीपर्यंत पोहोचल्याची घटना समोर आली आहे. या घटनेत ६१ वर्षीय व्यक्तीला चापटाबुक्क्यांनी मारहाण करण्यात आली. मारहाणीदरम्यान खाली पडल्याने त्यांच्या डोक्याला दुखापत होऊन रक्तस्राव झाला. ही घटना २ नोव्हेंबर रोजी रात्री साडेसात वाजताच्या सुमारास वडनेर भोलजी येथील फिरोजभाई यांच्या धाब्यावर घडली….

शेगाव : एटीएममधून पैसे काढण्यासाठी गेलेल्या नागरिकाचे कार्ड मशीनमध्ये अडकले आणि याच परिस्थितीचा फायदा घेत अज्ञात भामट्याने खात्यातील रक्कम लंपास केली. एटीएम केंद्रात कार्ड अडकल्याने निर्माण झालेल्या गोंधळाचा फायदा घेत शेतकऱ्याच्या बँक खात्यावर डल्ला मारण्यात आला. या प्रकारात शेतकऱ्याला तब्बल ५५ हजार रुपयांचा आर्थिक फटका बसला असून, शेगाव शहरात ही घटना उघडकीस आली आहे. प्राप्त…

खामगाव : सणासुदीच्या काळात बंद घरे चोरट्यांच्या निशाण्यावर आली असून, सुटाळा खुर्द परिसरात चोरट्यांनी अक्षरशः धुमाकूळ घातला आहे. एकाच रात्री वेगवेगळ्या ठिकाणी घरांचे टाळे आणि कडी-कोंडा तोडून सोन्या-चांदीचे दागिने, रोख रक्कम तसेच दोन मोटारसायकली चोरून नेण्यात आल्याने परिसरात खळबळ उडाली आहे. ३१ ऑक्टोबरच्या रात्री घडलेल्या या घटनांमध्ये चोरट्यांनी एकूण २ लाख ३६ हजार रुपयांचा मुद्देमाल…

मोताळा : मलकापूर-मोताळा मार्गावरील धोकादायक वळण पुन्हा एकदा अपघाताचे कारण ठरले. राजूरजवळ भरधाव कार आणि दुचाकीची समोरासमोर जोरदार धडक झाल्याने दुचाकीवरील दोघे गंभीर जखमी झाले. धडकेची तीव्रता इतकी होती की दुचाकीचा अक्षरशः चुराडा झाला, तर कारचेही मोठे नुकसान झाले. मात्र, अपघातावेळी कारमधील एअरबॅग्ज तत्काळ उघडल्याने दोन महिलांसह कारमधील सर्व प्रवासी सुखरूप बचावले. ही घटना मंगळवार,…

साखरखेर्डा : सोशल मीडियावरून जुळलेली ओळख प्रेमसंबंधात बदलली आणि त्यातून तब्बल १२ वर्षांचा संसार मोडण्याची वेळ आल्याचा प्रकार साखरखेर्डा परिसरात समोर आला आहे. दोन लहान मुलांची आई असलेल्या महिलेने पतीसोबत राहण्यास नकार देत इन्स्टाग्रामवर ओळख झालेल्या ३० वर्षीय युवकासोबतच राहण्याचा निर्धार व्यक्त केला. २ नोव्हेंबरच्या रात्री साखरखेर्डा पोलीस ठाण्यात घडलेल्या या प्रसंगात पोलिस अधिकारी, कर्मचारी…