देऊळगाव राजा : शिवाजीनगर परिसरातील २२ वर्षीय दिव्यांग युवक संदीप साबळे याने वैफल्यग्रस्त अवस्थेत स्वतःच्या घरी गळफास घेऊन आत्महत्या केली. ही घटना २५ डिसेंबर रोजी दुपारी उघडकीस आली.
संदीपने घरात कोणी नसताना गळफास घेतला. त्याची आई घरी परतल्यानंतर हा प्रकार लक्षात आला. दोन वर्षांपूर्वी अपघातामुळे त्याचे दोन्ही पाय निकामी झाले होते, त्यामुळे तो सतत घरातच राहत होता व वैफल्यग्रस्त झाला होता, अशी माहिती कुटुंबीयांनी दिली.
या प्रकरणी संदीपचे वडील सुभाष साबळे यांनी दिलेल्या माहितीवरून पोलिसांनी मर्ग नोंदवला आहे. पुढील तपास सुरू आहे.
