चिखली : घरासमोर खेळताना १० वर्षीय चिमुकल्याचे अपहरण झाले. अंबाशी येथे काल २२ जुलैच्या सायंकाळी ही घटना उघडकीस आली. या प्रकरणी अंबाशी येथील हारून शेख गणी यांनी चिखली पोलीस ठाण्यात सायंकाळी तक्रार दिली. दिलेल्या तक्रारीत त्यांनी म्हटले आहे की सकाळच्या सुमारास घरासमोर त्यांचा मुलगा मोहम्मद अरहान हा खेळत होता. खूप वेळ उलटून गेला तरी अरहान घरी परतला नाही. त्यामुळे त्याच्या कुटुंबियांनी परिसरात शोधायला सुरुवात केली. अरहान च्या आई-बाबांनी सर्वत्र शोध घेतला मात्र कुठेही मिळून आला नाही, कुणीतरी अनोळखी व्यक्तीने त्याचे अपहरण केले, अशी तक्रार त्याच्या वडिलांनी चिखली पोलिसांत दिली आहे . त्यावरून पोलिसांनी अज्ञात व्यक्तीविरोधात गुन्हा दाखल केला असून, पुढील तपास पोलीस करत आहे.
घरासमोर खेळत असलेल्या दहा वर्षीय मुलाचे अपहरण,चिखली पोलिसांत अज्ञात व्यक्तीविरोधात गुन्हा दाखल
