मलकापूर : तालुक्यातील मौजे घिर्णी येथे अल्पवयीन मुलीशी अश्लील वर्तन केल्याप्रकरणी महादेव लक्ष्मण राऊत या इसमाविरुद्ध गुन्हा दाखल करण्यात आला आहे. पीडितेच्या तक्रारीनंतर मलकापूर शहर पोलिसांनी हा गुन्हा नोंदवला.
तक्रारीनुसार, दि. ७ फेब्रुवारी रोजी दुपारी १ वाजता आरोपीने पीडितेला धक्का मारून “तुला १० तारखेला पाहून घेतो” अशी धमकी दिली. त्यानंतर तो घराच्या गच्चीवर जाऊन अश्लील इशारे करत डोळे मारत होता. तसेच, हा प्रकार कुणाला सांगितल्यास जीवे मारण्याची धमकी दिली. यावरून पोलिसांनी अपराध क्रमांक ७०/२५ अंतर्गत भारतीय दंड संहिता कलम ७४, ७८, ३५१ (२), ७९ तसेच पोक्सो कायद्याच्या कलम ८ व १२ नुसार गुन्हा दाखल केला आहे. या प्रकरणाचा तपास सहाय्यक पोलिस निरीक्षक करुणाशील तायडे करीत आहेत.
