मोताळा :- रोहिनखेड ते उबालखेड मार्गाने जाणाऱ्या दोन दुचाकी चालकांवर बिबट्याने हल्ला केल्याची घटना 6 ऑक्टोबर रोजी घडली. या घटनेत दोघे गंभीर जखमी झाले असून त्यांच्यावर उपचार सुरू आहे.
या बाबत सविस्तर वृत्त असे की दुपारच्या सुमारास रोशन सुरपाटणे हा दुचाकीने रोहिनीखेड ते उबालखेड मार्गाने दुचाकीने जात असताना बिबट्याने त्यांच्यावर हल्ला केला. या हल्ल्यात तो गंभीर जखमी झाला. तसेच सायंकाळी ६ वाजताच्या सुमारास गजानन सोनुने (रा. रोहिनखेड) हे त्याच मार्गाने जात असताना धावत्या दुचाकीवर बिबट्याने हल्ला केला. या घटनेत दोघेही गंभीर जखमी झाले असून त्यांच्यावर उपचार सुरू आहेत. या घटनेमुळे परिसरातील नागरिकांमध्ये भीतीचे वातावरण निर्माण झाले आहे. हल्ला करणाऱ्या बिबट्याला जेरबंद करण्याची मागणी गावकरी करीत आहे.
