न्यूझीलंड येथे झालेल्या तलवारबाजी स्पर्धेत विजेतेपद मिळवल्याने कु.गौरी सीमा मंगलसिंग सोळंकेचा हिराबाई संचेती कन्या शाळा व कनिष्ठ महाविद्यालयातर्फे सत्कार

मलकापूर
10 ऑगस्ट 2024
तलवारबाज कु.गौरी सीमा मंगलसिंग सोळंके हिने न्युझीलंड येथे झालेल्या आंतरराष्ट्रीय स्पर्धेत ऑस्ट्रेलिया विरोधात अंतिम सामन्यांमध्ये उपविजेतेपद सिल्वर मेडल पटकावत देशाच्या शिरपेचात आणखी एक मानाचा तुरा खोवला आहे. प्राचार्या ममताताई पांडे यांनी गौरीला पुष्पगुच्छ देऊन तिचे अभिनंदन केले. विद्यार्थिनींशी हितगुज करताना गौरीने सांगितले की जिद्द, चिकाटी, सातत्य, सराव, योग्य आहार, असेल तर तुम्ही तलवारबाजीच नाही तर कोणत्याही क्षेत्रामध्ये यश संपादन करू शकता. याप्रसंगी गौरीचे वडील मंगलसिंग सोळंके हे देखील उपस्थित होते. प्राचार्या ममता ताई पांडे यांनी अध्यक्षीय समारोपात गौरीला तिच्या पुढील वाटचालीसाठी शुभेच्छा दिल्या.
कार्यक्रमाचे सूत्रसंचालन नयना बक्षी आणि आभार प्रदर्शन माया गाढे मॅडम यांनी केले. कार्यक्रमास पर्यवेक्षिका सौ खडसे मॅडम ,सर्व शिक्षक, शिक्षिका, शिक्षकेतर कर्मचारी उपस्थित होते.