खामगावः पत्नीस शिवीगाळ केल्याचा जाब विचारण्यासाठी आलेल्या युवकास सात जणांनी अश्लील शिवीगाळ व मारहाण करण्यात आली. ही घटना नांदुरा रोडवरील पशुवैद्यकीय दवाखान्यासमोर घडली. तक्रारीनुसार, पवन प्रकाश भगत (३४) रा. सुटाळपुरा यांच्या घरासमोर कपिल गोविंद मिश्रा (३०) हा आला. त्याने पवन भगत याच्या पत्नीस शिवीगाळ केली. त्यानंतर पवन घरी आला असता त्याला पत्नीने याबाबत सांगितले. यावरून पवन हा कपिल मिश्रा याला जाब विचारण्यासाठी नांदुरा रोडवर बोलाविल्यानंतर गेला. त्यावेळी कपिल मिश्रा याने शुभम जगदीश मिश्रा, सुमित बासकर आणि आणखी इतरांनी पवन याला अश्लील शिवीगाळ करून मारहाण केली. तसेच जीवे मारण्याची धमकी दिल्याची तक्रार शहर पोलिसात केली.
तक्रारीवरून शहर पोलिसांनी सात जणांविरोधात विविध कलमान्वये गुन्हा दाखल करण्यात आला आहे प्रकरणात अद्याप कोणाला अटक करण्यात आलेली नाही. घटनेचा पुढील तपास खामगाव शहर पोलिस करीत आहेत.
