अकोला : रेल्वे रूळ ओलांडताना अचानक फिट आल्यामुळे एक इसम रुळावर बसला. नेमकी त्याचवेळी मालगाडी आल्याने रेल्वेखाली येऊन ४२ वर्षीय इसमाचा मत्य झाल्याची घटना बुधवारी गुडधी परिसरात घडली. विजय माणिक डोके (४२) रा. गुडधी असे मृत्युमुखी पडलेल्या इसमाचे नाव आहे. विजय डोके हे बुधवारी सायंकाळी अंदाजे ५ वाजताच्या सुमारास गुडधी भागातील रेल्वे रूळ ओलांडत होते. दरम्यान त्यांना फिट आल्याने ते रेल्वे रुळावर खाली बसले त्याचवेळी समोरून मालगाडी आल्याने डोके रेल्वे गाडीखाली आले यात त्यांचा मृत्यू झाला.त्यांच्या निधनामुळे गुडधी परिसरात हळहळ व्यक्त केली जात आहे. याप्रकरणी सिव्हील लाइन पोलिसांत मत्यची नोंद केली आहे.
रेल्वेरुळ ओलांडत असताना फिट आले अन् दुर्दैवी घडलं..
