मलकापूर : प्रभाग क्रमांक ४ अ मध्ये यंदाच्या निवडणुकीत सर्वसामान्य कुटुंबातून उभा राहिलेला, विनम्र स्वभावाचा आणि कामातून स्वतःची ओळख निर्माण केलेला युवा उमेदवार आशिष गणेश चुनाडे मतदारांच्या आशा अपेक्षांचे नवे केंद्र बनेला आहे. शिवसेना पक्षाचे अधिकृत उमेदवार म्हणून धनुष्यबाण निशाणीवर बटन क्रमांक २ अशी त्यांची नोंद असून, प्रचाराच्या पहिल्याच टप्प्यात नागरिकांकडून त्यांना मिळणारा उत्स्फूर्त प्रतिसाद विशेष लक्षवेधी ठरतो आहे. आशिष चुनाडे यांची ही पहिलीच निवडणूक असली तरी, त्यांना प्रभागातील नागरिकांशी जोडून ठेवणारी सर्वात मोठी ताकद म्हणजे त्यांचे गेल्या अनेक वर्षांपासूनचे निस्वार्थ सामाजिक कार्य. परिस्थिती मोठी नसली, घरची श्रीमंती नसली, राजकीय वारसा नसलातरी लोकसेवेचा वारसा माझ्यापाशी आहे. या भावनेने ते सातत्याने जनसंपर्कात सक्रिय राहिलेले आहेत. समस्या काहीही असो पाणी, रस्ते, वीज, विद्यार्थ्यांची गरज, महिलांच्या अडचणी, आजारी व्यक्तींची मदत प्रत्येक ठिकाणी तत्पर मदतीचा हात पुढे करणारा चेहरा म्हणून त्यांची ओळख निर्माण झालेली आहे. आज प्रभागातील नागरिक म्हणतात की आमच्यातलाच एक, आमच्या सुख-दुःखात धावून येणारा, कोणत्याही अपेक्षेशिवाय काम करणारा मुलगा म्हणजे आशिष! प्रभागातील युवा वर्ग, महिला, ज्येष्ठ नागरिक आणि सर्वसामान्य कुटुंबे या प्रत्येक घटकातून मिळणारा पाठिंबा पाहता, बटन क्रमांक २ धनुष्यबाण हे यंदाच्या निवडणुकीत ताकदीनं पुढे जात असल्याचे स्पष्ट दिसत आहे. निवडणूक आली म्हणून नव्हे, तर वर्षानुवर्षे लोकांमध्ये राहून विश्वास मिळवलेला उमेदवार म्हणून आशिष चुनाडेंकडे नागरिक अपेक्षेनं पाहत आहेत. प्रभागातील विकासासाठी, प्रामाणिक आणि स्वच्छ कारभारासाठी व नव्या विचारांच्या प्रतिनिधीत्वासाठी अनेक घरांमध्ये एकच चर्चा सुरू आहे. यावेळी आपला माणूस… आशिष चुनाडे!
