शेगाव : धावत्या रेल्वे समोर उडी घेऊन 28 वर्षीय विवाहितेने आत्महत्या केल्याची धक्कादायक घटना काल दि.४ सप्टेंबरला शेगाव रेल्वे स्थानकावर घडली.या घटनेचा व्हिडिओ सिसीटिव्ही कॅमेऱ्यात कैद झाला आहे.( सौ.अर्चना अनंता महाले )(२८) असे आत्महत्या करणाऱ्या महिलेचे नाव आहे.प्राप्त माहितीनुसार विवाहिता ही खामगाव तालुक्यातील अटाळी येथील आहे. अर्चना यांचा विवाह अटाळी येथील अनंता महाले यांच्याशी झाला होता. मात्र काही कारणांमुळे अनेक दिवसांपासून त्या माहेरी पहुरजीरा येथे राहत होत्या. काल,अचानक त्यानी शेगाव रेल्वे स्थानकावर रेल्वेसमोर उडी घेऊन आत्महत्या केली. सदर विवाहितने टोकाचा निर्णय का घेतला याचे कारण समजू शकले नाही. पुढील तपास पोलीस करत आहे.
धावत्या रेल्वे समोर उडी घेऊन विवाहितेची आत्महत्या, शेगाव रेल्वे स्थानकावरील धक्कादायक घटना!
