मलकापूर ( उमेश इटणारे ) :- जिद्द चिकाटी आणि सातत्याच्या जोरावर मुलाने पोलीस दलात जाण्याचे स्वप्न पूर्ण केले असून आई-वडिलांच्या कष्टाचे चीज केले आहे. ईश्वर संजय इंगळे असे पोलीस दलात निवड झालेल्या तरुणाचे नाव आहे. ईश्वर हा शहरातील माता महाकाली नगर येथे परिवारासह वास्तव्यास आहे. ईश्वर चे लहानपणापासूनच पोलीस दलात जाण्याचे स्वप्न होते. बारावीची परीक्षा पास झाल्यानंतर 2019 पासून ईश्वर ने पोलीस भरतीची तयारी सुरू केली होती, जगभरात कोरोना सारख्या आजाराने थैमान घातल्याने देशभरात लॉकडाऊनची परिस्थिती असल्याने ईश्वरचे एका वर्षाचा कालावधी निघून गेला,2019 मधील पोलीस भरती कोरोना महामारीमुळे 2021 मध्ये घेण्यात आली होती ती पोलीस भरती ईश्वर साठी प्रथमच पोलीस भरती होती त्यामध्ये ईश्वरला काही गुणांनी अपयश आलं होतं, त्यानंतर 2022 – 2023 मध्ये घेण्यात आलेल्या पोलीस भरती मध्येही काही गुणांनी अपयश आलं होतं परंतु ईश्वर च्या मनात अंगावर खाकी मिळवायची जिद्द होती.2024 मध्ये घेण्यात आलेल्या पोलीस भरतीमध्ये ईश्वर ने जालना येथे परीक्षा दिली होती त्याचा रिझल्ट नुकताच जाहीर झाला त्यामध्ये ईश्वरने 200 पैकी 186 गुण मिळवून यश मिळवले जिद्द चिकाटी आणि सातत्याच्या जोरावर यश मिळवल्याने ईश्वरची माता महाकाली नगर परिसरातून ढोल ताशांच्या गजरात, गुलाल उधळत मिरवणूक काढण्यात आली.मित्र, नातेवाईक, सर्वस्तरातून ईश्वर वर शुभेच्छांचा वर्षाव होत आहे.
आई वडिलांच्या कष्टाचे चीज झाले, प्रतिकूल परिस्थितीवर मात करत ईश्वर इंगळेची पोलीस दलात निवड!
