मलकापूर:- येथील सामाजिक कार्यकर्ते धनराज राजपूत यांचा वाढदिवस विविध संघटना सामाजिक कार्यकर्ते यांच्याकडून विविध कार्यक्रम घेऊन साजरा करण्यात आला.
सामाजिक कार्यात नेहमीच अग्रेसर असणारे धनराज राजपूत यांचा 3 ऑगस्ट रोजी वाढदिवस होता. वाढदिवसाच्या दिवशी रिकामा खर्च न करता गरजूंना साहित्य वाटप तसेच रक्तादान करून वाढदिवस साजरा करण्यात आला. येथील मूकबधिर शाळेत त्यांनी गरजूंना जेवण व कपड्यांची वाटप केली. त्या नंतर शेकडो मित्र परिवाराने रक्तदान केले. तसेच राजकीय, सामाजिक, शैक्षणिक अश्या विविध क्षेत्रातील मान्यवरांनी प्रत्यक्ष – अप्रत्यक्ष मोबाईल फोन द्वारे शुभेच्छाचा वर्षाव केला. आपण सर्वांनी वेळात वेळ काढून माझ्या वाढदिवसा निमित्त मला शुभेच्छा दिल्या त्या मी मनापासून स्वीकार करतो व आपल्या सर्वांचे मनापासून आभार मानतो अश्या शब्दात धनराज राजपूत यांनी शुभेच्छा कर्त्यांचे आभार मानले.
