मोताळा : राजूर येथून दर्शन घेवून परत येत असताना अज्ञात वाहनाच्या धडकेत दुचाकीस्वार गंभीर जखमी झाल्याची घटना राजूर पुठ्ठा फॅक्टरी जवळ ९ ऑगस्ट रोजी सकाळी १० वाजेच्या सुमारास घडली. याप्रकरणी बोराखेडी पोलिसांनी अज्ञात वाहन चालकावर गुन्हा दाखल केला आहे. याबाबत बोराखेडी येथील किष्णा शेषराव चव्हाण यांनी बोराखेडी पोलिसांत फिर्यादीत म्हटले की, फिर्यादी व त्यांचा मावसभाऊ ९ ऑगस्ट रोजी देवदर्शनासाठी गेले होते. देवदर्शन घेवून एमएच-२८ एएफ-९५०९ या क्रमांकाच्या दुचाकीने परत येत असताना बुलडाणा-मलकापूर रस्त्यावरील राजूर पुठ्ठा फॅक्टरीजवळ त्यांना विटाने भरलेल्या अज्ञात वाहनाने जबर धडक दिली. या धडकेत किष्णा चव्हाण व त्यांचा मावसभाऊ नितीन शिंदे जखमी झाले. नितीन शिंदे याच्यावर जिल्हा रुग्णालय बुलडाणा येथे प्राथमिक उपचार करुन पुढील उपचारार्थ छत्रपती संभाजी नगर येथे रेफर करण्यात आले आहे. याप्रकरणी बोराखेडी पोलिसांनी अज्ञात वाहन चालकावर भारतीय न्याय संहिता कलम २८१, १२५ (अ) अन्वये गुन्हा दाखल केला आहे पुढील तपास बोराखेडी पोलीस करीत आहेत.
देवदर्शनावरून येत असताना विटांनी भरलेल्या ट्रकने दुचाकी स्वारास उडवले, दोघे गंभीर जखमी, बोराखेडी पोलिसात अज्ञात ट्रक चालकावर गुन्हा!
