मलकापूर : भारतीय जनता पार्टीच्या वतीने विधानसभेच्या ९९ उमेदवारांची पहिली यादी जाहीर करण्यात आली. यात बुलडाणा जिल्ह्यातील तीनही भाजपाच्या विद्यमान आमदारांची नावे असून मलकापूर विधानसभा मतदार संघाचा समावेश नसल्याने मलकापूर मतदार संघातून भाजपाचा उमेदवार कोण? अशी चर्चा पुन्हा जोर धरू लागली आहे. बुलढाणा जिल्ह्यामध्ये महायुतीचा घटकपक्ष असलेल्या भाजपाच्या वाट्याला चार जागा असून त्यापैकी त्यामध्ये मलकापूर, खामगाव, जळगाव जा. व चिखली मतदार संघाचा समावेश आहे. या चार मतदार संघापैकी खामगाव, जळगाव जा. व चिखली मतदार संघामध्ये भाजपाने आपल्या उमेदवारांची नावे जाहीर केली. मात्र या यादीमध्ये मलकापूर विधानसभा मतदार संघातून उमेवाराच्या नावाचा समावेश नसल्याने भाजपाच्या गोटासह मतदारांमध्ये सुध्दा भाजपाचा उमेदवार कोण? याबाबत चांगलीच उत्सुकता लागली आहे. मात्र जनतेच्या मनातील आमदार मनीष लखानी यांच्या बाबत सोशल मीडिया वरती व्हाट्सअप ग्रुप द्वारे मनीष लखानी यांना उमेदवारी जाहीर झाले असा मेसेज व्हायरल होत आहे. अद्याप भाजप कडून दुसरी यादी जाहीर झालेली नाही. या बाबत विदर्भ लाईव्ह नी संपर्क केला असता. अद्याप कोणीतही यादी जाहीर झालेली नसल्याचे लखानी यांनी सांगितले. मात्र पक्षा कडून लवकरच यादी जाहिर होईल असे ही ते बोलले.
भाजप कडून मनीष लखानी यांना उमेदवारी जाहीर?
