खामगाव : प्रतिनिधी – भरधाव कार ट्रॅक्टरला धडकल्याने झालेल्या अपघातात एका २२ वर्षीय युवकाचा जागीच मृत्यू झाला. ही घटना खामगाव – शेगाव रोडवरील वसंत महाराज अन्नकुटीजवळ शनिवारी रात्री साडेआठ वाजता दरम्यान घडली. अंशदीप सतपालसिंह सलुजा
(वय २२, रा. लक्कडगंज, खामगाव) असे मृताचे नाव आहे. त्याचे शेगाव रोडवर हॉटेल असून. या हॉटेलमध्ये जात होता. त्यावेळी समोर असलेल्या ट्रॅक्टरवर पाठीमागून 7भरधाव कार आदळली. यात त्याच्या डोक्याला गंभीर दुखापत झाली होती.
दरम्यान, प्रत्यक्षदर्शीनी घटनेनंतर लगेचच अंशदीपला जखमी अवस्थेत खामगाव येथील खासगी रुग्णालयात हलविले. तेथे तपासणी अंती डॉक्टरांनी त्याला मृत घोषीत केले. त्यानंतर मृतावस्थेत त्याला खामगाव येथील उपजिल्हा सामान्य रुग्णालयात हलविण्यात आले.
