मलकापूर:- ओव्हरटेक करत असतांना रोडवर पडलेल्या पाण्यामुळे दुचाकी स्लिप होऊन दुचाकी स्वार कंटेनरच्या खाली आल्याने कंटेनर चालकाने दूरपर्यंत फरफटत नेले यात एक जण जागीच ठार झाला तर एक जण सुदैवाने बचावला आहे ही घटना आज दि. 25 जून रोजी दुपारी 4 वाजेच्या सुमारास मुक्ताईनगर शहरातील उडान पुलावर घडली. मृतक हा मलकापूर शहरातील स्थानिक रामदेवबाबा नगर येथील आहे.
याबाबत सविस्तर वृत्त असे की अनिल छोटू डागोर हा तरुण आपला मित्र अभिषेक टाक याच्यासोबत मंगळवारी २५ जून रोजी दुपारी मलकापूरकडून भुसावळकडे जाण्यासाठी दुचाकीने निघाले होते. त्यावेळी मलकापूरहून जळगावकडे ट्रॅक्टर घेऊन जाणारा कंटेनर पुढे जात होता. दरम्यान दुचाकीस्वार अनिल डागोर याने कंटेनरला ओव्हरटेक करत असताना रस्त्यावर पडलेल्या पाण्यामुळे त्याची दुचाकी स्लिप झाली. त्यामुळे तो कंटेनरच्या क्लीनर भागाच्या मागच्या चाकात आल्याने त्याचा दुर्दैवी अंत झाला. तर मागे बसलेला अभिषेक टाक थोडक्यात बचावला आहे. दरम्यान ही घटना घडल्यानंतर महामार्गावर काही वेळ वाहतुकीची कोंडी झाली होती. घटनास्थळी मुक्ताईनगर पोलिसांनी धाव घेतली व मृतदेह मुक्ताईनगर ग्रामीण रुग्णालयात दाखल करण्यात आला आहे. दरम्यान मयत हा मलकापूर येथील रेल्वे स्टेशनचे साफसफाईचा ठेका घेवून आपला उदरनिर्वाह करत होते. या घटनेमुळे परिसरात हळहळ व्यक्त केले जात आहे.
