मलकापूर:- मलकापूर आगाराची शिवशाही बस मलकापूर वरून संभाजीनगर जात असताना वाघजळफाटा व परड्या फाटा च्या मधोमध असलेल्या टर्निंग वर रस्त्याच्या खाली उतरून अपघात झाल्याची घटना आज दिनांक 10 ऑगस्ट रोजी सकाळी 11 वाजेच्या सुमारास घडली या घटनेत तीन ते चार प्रवासी किरकोळ जखमी असल्याची माहिती सूत्रांनी दिली.
याबाबत सविस्तर वृत्त असे की मलकापूर आगाराची शिवशाही बस क्रमांक एम.एच 06, 3561 मलकापूरहून संभाजीनगर कडे जात असताना मोताळा तालुक्यात असलेल्या वाघजळफाटा व परड्या फाट्याच्या मधोमध असलेल्या टर्निंग वर पावसाने झालेल्या चिखलामुळे बस रस्त्याच्या खाली उतरली. बस चालकाच्या सतर्कतेने बस रस्त्याच्या कडेवरील झाडावर आदळली. टर्निंग वर पावसाने झालेल्या चिखलामुळे वेळेवर ब्रेक न लागल्याने हा अपघात झाल्याचे बोलल्या जात आहेत. या बसमध्ये एकूण 35 प्रवाशी होते यामधील तीन ते चार प्रवासी किरकोळ जखमी झाल्याची माहिती आहे.
