संग्रामपूर (दि. ९) – दारूच्या नशेत स्वतःच्या आईला जिवंत पेटविल्याची धक्कादायक घटना पातुर्डा (ता. संग्रामपूर) येथे घडली. गौरव देशमुख याने ‘तू घातलेली साडी मला हवी’ म्हणत आई मीनाबाई यांच्या कपड्यांना आग लावली. यात त्यांचे पाय व तळपाय भाजले असून त्यांच्यावर शेगाव शासकीय रुग्णालयात उपचार सुरू आहेत. सध्या त्यांची प्रकृती स्थिर असल्याची माहिती वैद्यकीय सूत्रांनी दिली. या प्रकरणी तामगाव पोलिसांनी गौरव देशमुख याच्याविरुद्ध गुन्हा दाखल करून अटक केली आहे. पुढील तपास पोलीस उपनिरीक्षक बोपटे करीत आहेत. या घटनेने परिसरात संताप व्यक्त केला जात आहे.
