मोताळा :- तालुक्यातील महाळुंगी जहांगीर येथे गुरुवारी गोठ्याला आग लागून तीन गुरे दगावल्याची घटना – पहाटे घडली.संतोष बळीराम तिडके यांच्या गोठ्याला ही आग लागली.आगीत कोठ्यातील दोन गायी व एक बैल आगीत जळाल्याने त्यांचा मृत्यू झाला. यासोबतच वाड्यातील ६० पिव्हीसी पाईप व शेती उपयोगी साहित्याचे नुकसान झाले.या घटनेची माहिती मिळाल्यानंतर नायब तहसीलदार आणि तलाठी यांनी घटनास्थळी भेट देवून पंचनामा केला. तसेच नुकसानीचा प्राथमिक अहवाल तहसिलदारांना पाठविला आहे.
गोठ्याला आग,दोन गाई एका बैलाचा मृत्यू, शेती उपयोगी साहित्याचे नुकसान; मोताळा तालुक्यातील घटना!
