मलकापूर: महाविकास आघाडीचे अधिकृत उमेदवार आणि मलकापूर मतदारसंघाचे विद्यमान आमदार, राजेश एकडे, यांचा उमेदवारी अर्ज उद्या, दिनांक २९ ऑक्टोबर रोजी सकाळी ९ वाजता काँग्रेसचे ज्येष्ठ नेते, माननीय मुकुल वासनिक यांच्या उपस्थितीत दाखल होणार आहे.
कार्यक्रमाची सुरुवात मलकापूर येथील जनता कॉलेजच्या पटांगणावर होईल, जिथे सर्वप्रथम मुकुल वासनिक जनतेशी संवाद साधतील आणि मार्गदर्शन करतील. त्यानंतर भव्य नामांकन रॅलीचे आयोजन करण्यात आले आहे, ज्याचा समारोप तहसील चौक येथे होईल.
महाविकास आघाडीतील नेते, कार्यकर्ते आणि मतदारसंघातील सर्व नागरिकांनी या ऐतिहासिक क्षणी मोठ्या संख्येने उपस्थित राहावे, असे आवाहन काँग्रेस कमिटीच्या वतीने करण्यात आले आहे.
