खामगावः खोटी बतावणी करून वयोवृद्ध इसमाच्या हातातील अंगुठी पळविणाऱ्या एका भामट्यास शहर पोलिसांनी बुधवारी अटक केली. डिगांबर कौतिक मानकरे (५१) रा. जळगाव खान्देश असे या भामट्याचे नाव आहे. त्याला शहर पोलिसांनी नांदुरा रोडवरून अटक केली.प्राप्त माहितीनुसार, खामगाव शहर पोलिस स्टेशन हद्दीत काही दिवसांपूर्वी एका वयोवृद्ध नागरिकाला खोटी बतावणी करुन त्यांच्या हातातील सोन्याच्या दोन अंगठ्या लंपास केल्या
होत्या. या प्रकरणी शहर पोलिस स्टेशनला गुन्हा दाखल होता. या घटनेचा पोलिस तपास सुरू असून पोलिसांनी सीसीटीव्ही फुटेज पाहिले होते. या प्रकरणातील आरोपी खामगावात आल्याची गुप्त माहिती पोलिसांना मिळाली होती. या माहितीच्या आधारे शहर पोलिसांनी बुधवारी या भामट्यास नांदुरा रोडवरून अटक केली. ही कारवाई पोहेका गजानन बोरसे, पोहेकाँ प्रदीप मोठे, पोकाँ रवींद्र कन्नर, नापोकाँ सागर भगत, गणेश कोल्हे, राहुल थारकर, अकुंश गुरुदेव यांनी केली.
