खामगाव :- खामगाव विधानसभा मतदार संघात भाजपाचे युवा नेता आकाशदादा फुंडकर यांनी सलग तिसऱ्यांदा विजयी होवून हॅट्टीक केला आहे, ज्यामुळे कार्यकर्त्यांमध्ये मोठा उत्साह आहे. विजयानंतर कार्यकर्त्यांनी आकाशदादांचा अभिनंदन करण्यासाठी अनेक ठिकाणी बॅनर लावले होते, त्यात अमडापूर नाका येथील बॅनर देखील समाविष्ट होते.मात्र, २८ नोव्हेंबर २०२४ रोजी सकाळी ६ वाजता शिवसेना (शिंदे गट) चे पदाधिकारी सुनिल राजेंद्र नवले हे अमडापूर नाका येथून मॉर्निंग वॉकला जात असताना, त्यांनी आकाशदादा फुंडकर यांच्या अभिनंदनाचे बॅनर फाडलेले दिसले. यानंतर सुनिल नवले यांनी परिसरातील सीसीटीव्ही फुटेज तपासले, ज्यामध्ये मंगेश भिका भगतपुरे, निखील सपकाळ, विशाल अनिल मिटकरी आणि दोन अनोळखी व्यक्तींनी बॅनर फाडल्याचे स्पष्ट झाले.सुनिल नवले यांनी या घटनेविरोधात शिवाजी नगर पोलिस स्टेशनला फिर्याद दिली असून, त्यावरून पोलिसांनी संबंधित पाच जणांविरुद्ध विविध कलमानुसार गुन्हा दाखल केला आहे. गुन्ह्याच्या तपासासाठी नापोकाँ भगवान साखरे यांचा तपास सुरू आहे.या प्रकरणामुळे खामगाव परिसरात राजकीय वातावरण तापले असून, बॅनर फाडण्याचा प्रकार आता चर्चेचा विषय बनला आहे.
