मलकापूर :- बुलढाणा जिल्ह्यातील मलकापूर शहरातील शिव युवा मित्र मंडळाच्या वतीने दरवर्षीप्रमाणे यावर्षी सुद्धा भव्य दिव्य अशा कावड यात्रेचे आयोजन करण्यात आले होते. शिव युवा मित्र मंडळ कावड यात्रेचे हे तिसरे वर्ष असून दरवर्षीप्रमाणे यावर्षी सुद्धा श्री क्षेत्र धूपेश्वर येथील पूर्ण नदीचे जल घेऊन जवळपास 300 कावड धारी आपली चाळीस फूट लांबीची कावड घेऊन मलकापूर शहरातील मुख्य मार्गावरून भव्य दिव्य अशी ढोल ताशांच्या गजरात मिरवणूक काढून आपला आनंद व्यक्त करीत हर हर महादेवाचा जयघोष करण्यात आला. भव्य दिव्य अशा निघालेल्या कावड यात्रेचे मलकापूर शहरात ठीक ठिकाणी हार व फुलांचा वर्षाव करीत जंगी स्वागत करण्यात आले. यानंतर पुरोहित कॉलनी व मुकुंद नगर येथील शिवपिंडीवर आपण आणलेल्या जलाचा अभिषेक करण्यात आला. शिव युवा मित्र मंडळाचे अध्यक्ष राजूभाऊ फुलोरकर यांच्या वतीने या कावड यात्रेचे आयोजन करण्यात आले होते.
हर हर महादेवाच्या जय घोषात मलकापूरातून निघाली कावड यात्रा,शिव युवा मित्र मंडळाच्या वतीने करण्यात आले होते कावड यात्रेचे आयोजन
