मलकापूर : क्रीडा व युवक सेवा संचलन महाराष्ट्र राज्य पुणे, जिल्हा क्रीडा परिषद बुलढाणा यांच्या संयुक्त विद्यमाने आयोजित शालेय जिल्हास्तरीय बॉक्सिंग स्पर्धेत नूतन इंग्लिश स्कूल चे दोन स्पर्धक अंकुश भगत व यश नारखेडे यांनी उत्कृष्ट कामगिरी करीत १४ व १७ वयोगटात जिल्ह्यातून द्वितीय द्वितीय क्रमांक मिळविला आहे.
विद्यार्थ्यांनी शिक्षणाबरोबरच मैदानी स्पर्धेत सुद्धा प्रगती गाठावी या करिता क्रीडा व युवक संचलन महाराष्ट्र राज्य पुणे तथा जिल्हा क्रीडा परिषद बुलढाणा यांच्या संयुक्त विद्यमाने शेगाव येथे जिल्हास्तरीय शालेय बॉक्सिंग स्पर्धेचे आयोजन करण्यात आले होते. या मध्ये अंकुश भगत याने १७ वर्ष वयोगटात वजन गट ५५ किलो ) यश नारखेडे हा १४ वर्ष वयोगटात वजन ४५ किलो गटातून उत्कृष्ट कामगिरी करीत जिल्हातून द्वितीय क्रमांक पटकाविला आहे. त्यामुळे त्यांची विभाग स्तरावर निवड झाली आहे. त्यांच्या यश संपादन बद्दल विद्यालयाचे शारीरिक शिक्षक आकाश लटके तथा प्राचार्य व शिक्षकांनी त्यांना पुढील वाचलीस शुभेच्छा दिल्या.
