मेहकर : तालुक्यातील परतापूर येथील राजेंद्र वाघ यांच्या शेतातील सोयाबीन सुडी अज्ञात आगलाव्याने पेटवून दिली ही घटना दि. २५ सप्टेंबर रोजी सायंकाळी ६ वाजताच्या सुमारास उघडकीस आली. या घटनेत शेतकऱ्याचे अंदाजे २ लाख रुपयांचे नुकसान झाले आहे.राजेंद्र वाघ यांच्या शेतातील कामावरील गडी माधव खनपटे यांनी शेतातील सोयाबीन सुडी एकत्र करून ताडपत्रीने झाकून घरी परतले.सायंकाळी ७ वाजता राजेंद्र वाघ यांना त्यांच्या भावाचा फोन आला की, तुमच्या शेतात आग लागल्याचे दिसत आहे. तत्काळ राजेंद्र वाघ व त्यांचे भाऊ शेतात गेले असता, सोयाबीनची सुडी पेटलेली दिसली. यात अंदाजे २ लाखांचे नुकसान झाले आहे. महसूल विभागाने पंचनामा केला असून, पोलिसांत तक्रार दिली आहे. याप्रकरणी पुढील तपास पोलिस करीत आहेत.
आग लाव्याने पेटवली सोयाबीनची सुडी, शेतकऱ्याचे दोन लाखांचे नुकसान! मेहकर तालुक्यातील घटना
