बुलढाणाः घरात घुसून घरात खेळत असलेल्या एका अडीच वर्षाच्या चिमुकलीवर कुत्र्याने हल्ला केला.ही घटना २६ सप्टेंबर रोजी दुपारी अडीच वाजेच्या सुमारास घडली. गंभीर जखमी चिमुकलीवर जिल्हा सामान्य रुग्णालयात उपचार सुरू आहेत. अनाबिया अजहर खान (रा. धाड) ही मुलगी आईसोबत मामाच्या गावी ढालसावंगी येथे आली होती. गुरुवारी दुपारी ती घरात खेळत असताना एका कुत्र्याने घरात प्रवेश करून तिच्यावर हल्ला केला. हा प्रकार लक्षात येताच घरातील मंडळी कुत्र्याला हाकलण्यासाठी पुढे सरसावली. त्यामुळे कुत्र्याने तेथून पळ काढला. मात्र, तोवर अनाबियाच्या चेहऱ्यावर कुत्र्याने चावा घेतला होता. या घटनेत ती गंभीर जखमी झाली आहे. हा कुत्रा पिसाळलेला असल्याचा संशय आल्याने ग्रामस्थानी या कुत्र्यास ठार मारले आहे.
घरात खेळत असलेल्या चिमुकलीवर कुत्र्याचा हल्ला, चिमुकली गंभीर जखमी
