Headlines

प्रभाग 15 (ब) मध्ये अपक्ष उमेदवार पत्रकार दिपक गणेश इटणारे यांना ‘फुगा’ निशाणी; साधेपणाचं प्रतीक, जनतेच्या विश्वासाची उंच भरारी घेण्यासाठी सज्ज!

मलकापूर ( विदर्भ लाईव्ह वृत्तसेवा ): नगरपालिकेच्या निवडणुकीसाठी आज झालेल्या चिन्हवाटप प्रकियेत प्रभाग क्रमांक 15 (ब) मधील अपक्ष उमेदवार पत्रकार दिपक गणेश इटणारे यांना ‘फुगा’ (Balloon) हे निवडणूक चिन्ह मिळाले असून या चिन्हामुळे त्यांच्या प्रचाराला नवी दिशा आणि वेग मिळण्याची चिन्हे दिसू लागली आहेत. साध्या कुटुंबातून आलेल्या आणि लोकांच्या हक्कांसाठी सतत लढा देणाऱ्या दिपक इटणारे यांच्या प्रतिमेला हे चिन्ह अगदी साजेसे असल्याची प्रतिक्रिया नागरिकांकडून मिळत आहे.
पत्रकार म्हणून नेहमी संकटात सापडलेल्या कुटुंबांना आधार देणारा, अन्यायग्रस्तांना न्याय मिळवून देण्यासाठी प्रशासनाला सरळ प्रश्न विचारणारा आणि लोकांच्या वेदना लेखणीद्वारे मांडणारा हा युवक आज राजकीय मैदानात लोकांची सेवा करण्यासाठी सज्ज झाला आहे. आतापर्यंत कोणताही गाजावाजा, मोठा प्रचार किंवा राजकीय बळ नसतानाही सोशल मीडियातून आणि तोंडी जनसंपर्कातून त्यांना मिळालेला प्रतिसाद विशेष लक्षवेधी ठरला आहे.
‘फुगा’ हे चिन्ह मिळाल्यानंतर त्यांच्या समर्थकांमध्ये उत्साहाचे वातावरण निर्माण झाले आहे. उंच भरारी, स्वच्छ मन, हलकं–फुलकं पण सकारात्मक संदेश घेणारा फुगा हे चिन्ह लोकांच्या मनाला सहज भिडत असल्याचे स्थानिक नागरिक सांगतात. अनेक समर्थकांनी तर “आमच्या परिसराला श्वास देणारा, समस्यांत अडकलेल्या कुटुंबांना दिलासा देणारा आमचा दिपक आता आमचा माणूस” अशी शुभेच्छा दिली.
चिन्ह मिळताच दिपक इटणारे यांनी सांगितले की, “मी कोणत्याही पक्षाच्या आधारावर नाही, तर फक्त तुमच्या विश्वासावर उभा आहे. माझं चिन्ह ‘फुगा’ असलं तरी माझा हेतू जमिनीवरचा प्रत्येक नागरिकाच्या प्रश्नांना न्याय मिळवून देण्याचा आहे.”
निवडणूक प्रचाराला आता अधिकृत सुरुवात झाली असून 29 नोव्हेंबर आणि 30 नोव्हेंबर रोजी प्रभागात दिपक इटणारे यांच्या प्रचाराची भव्य रॅली निघणार आहे. फुगा या आकर्षक आणि ओळखीच्या चिन्हामुळे महिला, युवक आणि ज्येष्ठ नागरिकांमध्ये सहज संवाद साधण्यासही मदत होईल, असे मतदार व्यक्त करत आहेत. प्रभाग क्रमांक 15 (ब) मध्ये सध्या एकच चर्चा जोर धरत आहे. अपक्ष असूनही एवढा प्रतिसाद मिळणारा हा एकमेव उमेदवार… आता ‘फुगा’ चिन्हावर दिपक इटणारे किती उंच भरारी घेतात, हे पाहणे उत्सुकतेचे ठरणार!”

Leave a Reply

Your email address will not be published. Required fields are marked *

error: Content is protected !!