नूतन इंग्लिश स्कूलच्या प्रांजल जामोदे हिला बुद्धिबळ स्पर्धेत द्वितीय क्रमांक

मलकापूर : – क्रीडा व युवक सेवा संचालनालय, महाराष्ट्र राज्य पुणे, जिल्हा क्रीडा अधिकारी कार्यालय बुलढाणा व जिल्हा क्रीडा परिषद बुलढाणा यांच्या संयुक्त विद्यमाने आयोजित 17 वर्षांखालील तालुका स्तरीय मुलींच्या बुद्धिबळ स्पर्धा 2025 तालुका क्रीडा संकुल येथे पार पडल्या.

या स्पर्धेत नूतन इंग्लिश स्कूलची विद्यार्थीनी प्रांजल राजेश जामोदे हिने चारही राऊंडमध्ये उत्तम खेळ करत मलकापूर तालुक्यात द्वितीय क्रमांक पटकावला व जिल्हास्तरीय स्पर्धेसाठी पात्र ठरली. प्रांजलच्या या यशस्वी कामगिरीबद्दल शाळेचे प्राचार्य श्री. सुरेश खर्चे, क्रीडा शिक्षक आकाश लटके तसेच सर्व शिक्षक-शिक्षिका व शिक्षकेतर कर्मचारी यांनी तिचे अभिनंदन करून आगामी जिल्हा स्तरावरील स्पर्धेसाठी शुभेच्छा दिल्या.