मलकापूर( उमेश इटणारे ) :- दहा दिवसाआधी स्थापना झालेल्या गणरायाला आज भक्ती भावाने निरोप देण्यात येणार आहे. मिरवणूक शांततेत पार पडावी यासाठी प्रशासनाच्या वतीने वेगवेगळ्या उपाययोजना करण्यात आली आहे. मिरवणुकीला गालबोट लागू नये यासाठी 175 पोलीस अधिकारी, पोलीस, कर्मचारी दंगा काबू पथक, होमगार्ड पथक,अश्या 175 जणांची मिरवणुकीवर करडी नजर असणार आहे. आज दुपारी चार वाजेपासून मिरवणुकीला सुरुवात होणार असून रात्री 12 वाजेपर्यंत मिरवणूक चालणार आहे. दरवर्षीप्रमाणे या वर्षी सुद्धा 27 गणेश उत्सव मंडळे मिरवणुकीमध्ये सहभागी होणार असून यामध्ये 6 गणेश मंडळ ग्रामीण मधील आहेत.त्यासाठी मिरवणूक मार्गावर पोलिसांचा तगडा बंदोबस्त लावण्यात आला आहे. गणेश मिरवणुकीला गाळबोट लागू नये यासाठी पोलीस प्रशासनाच्या वतीने योग्य ती काळजी घेण्यात आली आहे.
