जुन्या गावचा राजा “पार्वतीसुत भक्त गणेश मंडळातर्फे गरजू विद्यार्थ्यांना 12 सायकलिंचे वाटप,या स्तुत्य उपक्रमाचे होत आहे जनमानसात कौतुक वर्षभरात 125 सायकल वाटपाचा मंडळाचा मानस!

मलकापूर : गणेश उत्सवाच्या माध्यमातून समाज उपयोगी उपक्रम राबविण्याच्या उद्देशाने शहरातील पार्वतीसुत भक्त गणेश मंडळातर्फे आर्थिक दृष्ट्या दुर्बल व गरजू शालेय विद्यार्थ्यांना सायकलचे वाटप करण्याचा अनोखा उपक्रम राबवून १२ विद्यार्थ्यांना सायकल वाटप करण्यात आल्या . सोबतच मंडळाचे 125 वर्ष पूर्ण झालेले असल्याने वर्षभरात १२५ सायकलींचे वाटप करण्याचा मानस मंडळातर्फे केला. मंडळ तर्फे राबविलेल्या उपक्रमाचे परिसरात सर्वत्र कौतुक होत आहे.
समाजाचे एकत्रीकरण तथा स्वातंत्र्याच्या लढ्यात उपयोग होण्याच्या उद्देशातून लोकमान्य टिळक यांनी सार्वजनिक रित्या गणेश उत्सव साजरा करण्यात जी मुहूर्तमेढ रोवली. त्यांच्या त्या संकल्पनेला प्रेरित होऊन मलकापूर शहरातील विद्वान धार्मिक लोकांचा परिसर म्हणून ओळखला जाणारा दुर्गा नगर परिसरातील त्या काळातील नागरिकांनी पुढाकार घेत पार्वतीसुत भक्त गणेश मंडळाची स्थापना केली. व समाजाला उपयोगी अशा उपक्रमांची त्या काळापासूनच सुरुवात झाली. आपल्या पूर्वजांचा वसा वारसा गत १२५ वर्षापासून जपत पार्वतीसुत भक्त गणेश मंडळाची निरंतर स्थापना करण्यात येऊन गणेशोत्सव मोठ्या हर्ष उल्हासात साजरा करण्यात येतो. यामध्ये या वर्षी सामाजिक दायित्व जोपासण्याच्या उद्देशातून या वर्षी मंडळाच्या कार्यकारिणी मार्फत मलकापूर परिसरातील आर्थिक दृष्ट्या दुर्बल तथा गरजू विद्यार्थ्यांना मंडळातर्फे सायकल वाटप करण्याची संकल्पना सुरू केली.
या आयोजित सायकल वाटपच्या कार्यक्रमा प्रसंगी राष्ट्रीय स्वयंसेवक संघाचे नगर संघ चालक दामोदर लखानी,नगर सह संघ चालक राजेश महाजन, माजी नगराध्यक्ष नारायणदास निहालानी, ज्येष्ठ पत्रकार वीरसिंह राजपूत, माजी नगरसेवक सुहास चवरे, उद्योजक मनीष लखानी व मलकापूर ग्रामीण पोलिस स्टेशनचे अंमलदार दीपक नाफडे यांची प्रामुख्याने उपस्थिती लाभली. याप्रसंगी मान्यवरांच्या हस्ते महाआरती करून कार्यक्रमाला सुरुवात करण्यात आली. व गणरायाच्या जय घोषातून गरजू विद्यार्थ्यांना सायकलचे वाटप करण्यात आले. यामध्ये गोविंद विष्णू महाजन विद्यालयाचे सोहम गजानन चिमकर , भाग्यश्री अमोल कुयटे, हिराबाई कन्या विद्यालयाची किशोर पाटील मीरा किशोर पाटील, खुशी मुकेश पांडे, मुन्सिपल हायस्कूल मधून आदित्य रामेश्वर कांडेलकर, शिवम योगेश कासे, त्याचबरोबर चांडक विद्यालया मधून श्रुती डाबेराव, अपेक्षा अजय तायडे, सार्थक संजय तळेकर, नूतन विद्यालयात मधून अपेक्षा अजय तायडे, आयुषी अरुण भोंडेकर, आदित्य गोपाल श्रीवास्तव असे एकूण १२ विद्यार्थ्यांना सायकलचे वाटप करण्यात आले.
चौकट.
समाज उपयोगी उपक्रम राबविण्यात मध्ये आम्ही नेहमीच अग्रेसर राहण्याची भूमिका घेत असतो. पूर्वजांचा आदर्श डोळ्यासमोर ठेवून यापुढे सुद्धा समाजासाठी कार्य करण्याचा आमचा प्रयत्न राहील. मंडळाचे १२५ वर्ष पूर्ण झाल्याने १२५ सायकलींचे गरजू विद्यार्थ्यांना वाटप करण्याचा आमचा मानस आहे.
अमोल निंबोळे,
अध्यक्ष पार्वती सुतभक्त गणेश मंडळ