मलकापूर :- स्थानिक नूतन इंग्लिश स्कूल मलकापूर मध्ये आज मंगळवारी आषाढी एकादशीनिमित्त दिंडी व पालखी सोहळा मोठा उत्साहात साजरा करण्यात आला .या कार्यक्रमासाठी शाळेत पालखीचा रिंगण सोहळा आयोजन करण्यात आले . एरवी रोज शाळेच्या गणवेशात असलेले विद्यार्थी आज वारकऱ्यांच्या वेशभूषेत हातात भगवा झेंडे ,टाळ, तुळशी वृंदावन घेऊन आले होते. सुरुवातीला शाळेतील शिक्षक प्रशांत खर्चे सर यांनी आषाढी एकादशीची माहिती सांगितली व नंतर भगवान विठ्ठल रुक्मिणी यांच्या प्रतिमेचे पूजन शाळेचे प्राचार्य सुरेश खर्चे सर व पर्यवेक्षक अमोल चोपडे सर यांना केले तसेच शाळेतील शिक्षक चोपडे सर, खर्चे सर , इंगळे सर, सौ . उंबरकर मॅडम व सौ इंगळे मॅडम यांनी सुद्धा विविध अभंग , भजन म्हणून कार्यक्रमाची सुरुवात केली टाळ मृदंग हाती घेतलेल्या विद्यार्थ्यांनी फुगडी खेळून भजन, अभंग व नृत्य करून शाळेचे प्रांगण विठुरायाच्या गजरात भक्तीमय केले . कार्यक्रमाची सांगता सौ . इंगळे मॅडम यांनी पसायदान म्हणून केली . कार्यक्रमाच्या यशस्वीतेसाठी शाळेतील सर्व शिक्षक – शिक्षिका व शिक्षकेत्तर कर्मचारी यांनी सहकार्य केले .
नूतन इंग्लिश स्कूल मध्ये आषाढी एकादशी निमित्त दिंडी सोहळ्याचे आयोजन
