मलकापूर :- वैद्यकीय व्यवसाय करत असलेल्या डॉक्टरांच्या घरात धाडसी चोरी झाल्याची घटना मलकापूर पासून जवळच असलेल्या वाकोडी शिवारातील संग्राम हॉटेल समोरील पूर्वा नगर मध्ये दि.9 सप्टेंबर रोजी दुपारी बारा ते अडीच वाजेच्या सुमारास घडली. या घटनेत दाग दागिने व रोख रक्कमेसेह एकूण 75 हजारांचा मुद्देमाल अज्ञात चोरट्याने लंपास केला.या घडलेल्या घटनेमुळे परिसरात भीतीचे वातावरण निर्माण झाले आहे. याबाबत प्रणव रामचंद्र चोपडे वय 26 रा. वाकोडी यांनी शहर पोस्टेत फिर्याद दिली की ते पूर्वा नगर मध्ये आई सह वास्तव्यास आहे त्यांचे मलकापुरात डेंटल हॉस्पिटल असून त्यावरच ते कुटुंबाचा उदारनिर्वाह चालवितात. नेहमीप्रमाणे रोज ते त्यांच्या हॉस्पिटलमध्ये गेले होते दुपारी अडीच वाजेच्या सुमारास त्यांना त्यांच्या आईचा फोन आला, त्यांनी सांगितले की मी बँकेच्या कामानिमित्त स्टेट बँक मध्ये आली होती बँकेचे कामे करून घरी आली असता त्यांना घराचा लॉक तुटलेला दिसला. फिर्यादी यांनी घरी येऊन पाहणी केली असता घरात ठेवलेली रोख रक्कम व दाग दागिने असा एकूण 75000 हजाराचा मुद्देमाल कोणीतरी अज्ञात चोरट्याने चोरी केल्याचे दिसून आले. दिवसाच्या उजेडात घडलेल्या या घटनेमुळे परिसरात भीतीचे वातावरण निर्माण झाले आहे. याबाबत प्रणव चोपडे यांच्या फिर्यादीवरून अज्ञात चोरट्याविरुद्ध गुन्हा दाखल करण्यात आला आहे. घटनेचा पुढील तपास पोलीस करत आहे.
भर दिवसा घराचा लॉक तोडून डॉक्टराच्या घरात धाडसी चोरी, दाग दागिन्यांसह रोख रक्कम लंपास! मलकापूर तालुक्यातील वाकोडी येथील घटना!
