मलकापूर:- एकाने दुसऱ्याच्या डोक्यात धारदार शस्त्राने वार करून जखमी केल्याची घटना आज दि 19 मे रोजी सकाळी 10 वाजेच्या सुमारास शहरातील माता महाकाली नगर रोडवरील जयकार इलेक्ट्रॉनिक जवळ घडली. या घटनेतील मारेकरीला पोलीसांनी ताब्यात घेतले आहे.
या बाबत सविस्तर वृत्त असे की अमरलाल लालचंद परियानी राहणार सिंधी कॉलोनी हे भुसावळ जाण्यासाठी निघाले. माता महाकाली नगर रोडवरील जयकार इलेक्ट्रॉनिक नजीक येत असताना समोरून कमल परियानी येत होते. दोघे समोरा समोर आले. कमल परियानी यांनी जवळ असलेल्या पिशवीतून धारदार शस्त्र काढून अमरलाल यांच्या डोक्यात मारले. या घटनेत अमरलाल गंभीर जखमी झाले. ही घटना बघून नागरिक घटनास्थळी जमा झाले. नागरिक जमा होत आहे असे कमल यांच्या लक्षात येताच त्यांनी घटनास्थळावरून पळ काढण्याचा प्रयत्न केला मात्र नागरिकांनी त्यानां पकडून ठेवले. स्थानिकांनी या घटनेची माहिती पोलिसांना दिली. पोलीस घटनास्थळी दाखल झाले. रक्ताच्या थारोळ्यात असलेल्या अमर परियानी याना येथील खाजगी रुग्णालयात दाखल केले तर मारेकरी कमल परियानी याला ताब्यात घेतले आहे.
माता महाकाली नगर रोडवर धारदार शस्त्राने एकाच्या डोक्यात वार; मलकापूर शहरातील घटना
