मलकापूर:- मलकापूर कडून मुक्ताईनगरकडे जात असतांना जनावरे आडवी आल्याने दुचाकीचा अपघात होऊन दोन जण गंभीर जखमी झाल्याची घटना आज दिनांक 11 ऑगस्ट रोजी दुपारी बारा वाजताच्या सुमारास दसरखेड नजीक घडली.
याबाबत सविस्तर वृत्त असे की दुचाकी चालक व त्या मागे बसलेला एक व्यक्ती मलकापूरकडून मुक्ताईनगर दिशेने जात होते. दरम्यान दसरखेड जवळ त्यांच्या दुचाकी समोर अचानकपणे जनावर आडवी आल्याने त्यांचा अपघात झाला. या अपघातात गंभीर जखमींना मलकापूर उपजिल्हा रुग्णालय येथे दाखल करण्यात आले. अरुण मधुकर सोनार व अन्य एक व्यक्ती ( त्यांचे नाव समजू शकले नाही ) असे अपघातात जखमी झालेल्याचे नाव आहे. अरुण सोनार यांची प्रकृती चिंताजनक असल्याने त्यांना मलकापूर येथील खाजगी रुग्णालयात दाखल करण्यात आले मात्र प्रकृती आणखीच चिंताजनक होत असल्याने त्यांना बुलढाणा येथे हलवण्यात आले आहे. बुलढाणा येथील रुग्णालयात त्यांचा उपचार सुरू आहे.
दुचाकी समोर जनावरे आडवे आल्याने अपघात, दोघे गंभीर जखमी, एकाची प्रकृती चिंताजनक, मलकापूर तालुक्यातील दसरखेड जवळील घटना
