भरधाव चार चाकी वाहनाची दुचाकीला धडक; युवकाचा मृत्यू ! पेट्रोल पंपावरून घरी जात असताना घडला अपघात

संग्रामपूर : भरधाव चारचाकी वाहनाने दुचाकीला जोरदार धडक दिली. यात दुचाकीस्वार युवकाचा मृत्यू झाल्याची घटना मंगळवारी रात्री साडेनऊ वाजेदरम्यान सोनाळा-टुनकी मार्गावरील एका पेट्रोल पंपाजवळ घडली. सोनाळा येथील दत्ता भोंडे हा युवक मंगळवारी रात्री दुचाकीने टुनकीकडून सोनाळाकडे येत होता. त्याचवेळी सोनाळाकडून टुनकीकडे भरधाव वेगाने जाणाऱ्या एमएच ०२ डीडब्ल्यू ३८८० या क्रमांकाच्या चारचाकी कारने पेट्रोल पंपाजवळ दुचाकीला जोरदार धडक दिली. या धडकेत दत्ता भोंडे हा जखमी झाला. त्याला रुग्णवाहिकेने अकोला येथील खासगी रुग्णालयात हलविण्यात आले असता, डॉक्टरांनी मृत घोषित केले. तो पेट्रोल पंपावर कामावर होता. रात्री घरी येत असताना, पेट्रोल पंपालगत भीषण अपघात घडला. अकोला येथे शवविच्छेदन करून बुधवारी सोनाळा येथे त्याच्या पार्थिवावर अंत्यसंस्कार झाले