मलकापूर :- विदर्भ लाईव्ह ) धावत्या दुचाकीला आग लागून दुचाकी जळून खाक झाल्याची घटना काल दि. 15 रोजी रात्री आठ वाजेच्या सुमारास मलकापूर दाताळा मार्गावरील जनक जिनिंग नजीक घडली असून दुचाकीवरील युवकाने त्वरित उडी घेतल्याने पुढील अनर्थ टळला. याबाबत मिळालेली माहिती अशी की दुचाकी घेऊन एक युवक दाताळ्याकडून मलकापूर कडे येत असताना मलकापूर दाताळा मार्गावरील गणपती जिनिंग आला असता त्याच्या दुचाकीला अचानक आग लागली,आग लागल्याची समजताच सदर युवकाने दुचाकी सोडून त्वरित उडी घेतली. उडी घेताच दुचाकीने मोठा पेट घेतला आणि काही क्षणातच दुचाकी जळून खाक झाली. अशी माहिती प्रथमदर्शनी असलेल्या नागरिकांनी दिली. सदर युवकाच्या दुचाकीचे नुकसान झाले मात्र जीव वाचला हे महत्वाचे,या घटनेचा व्हिडिओ त्या ठिकाणी जमलेल्या नागरिकांनी मोबाईल मध्ये कैद केला आहे.
धावत्या दुचाकीला लागली आग, दुचाकी जळून खाक, जीव वाचवण्यासाठी युवकाची दुचाकीवरून उडी.. दाताळा मलकापूर मार्गावरील घटना
