मोताळा :- किरकोळ कारणावरून दोन कुटुंबांत हाणामारी झाल्याची घटना ६ ऑक्टोबर रोजी भाडगणी येथे घडली आहे. या प्रकरणी परस्परविरोधी तक्रारीवरून दोन्ही कुटुंबांतील चार जणांविरुद्ध बोराखेडी पोलिसांत गुन्हा दाखल करण्यात आला आहे.भाडगणी येथील देवचंद नत्थू वाढे यांनी दिलेल्या फिर्यादीत म्हटले आहे की, त्यांची गावशिवारात गट क्र. २२२ मध्ये शेती आहे. ते शेतात गेले असता शेतशेजारील मुन्ना भरतसिंग राजपूत याने त्यांच्यासोबत वाद घातला. उपचारासाठी जात असताना पुन्हा वाटेत दुचाकी थांबवून राजपूत व गजानन समाधान काटकर यांनी शिवीगाळ करून जिवे मारण्याची धमकी दिली. दुसऱ्या गटातील प्रतापसिंग राजपूत यांनी दिलेल्या फिर्यादीत म्हटले आहे की, ६ ऑक्टोबर रोजी सकाळी साडेसहा वाजेच्या सुमारास ते शेतात हजर असताना देवचंद नत्थू वाढे याने आपल्याशी वाद घातला. तसेच मनोहर वाढे याने काठीने आपल्याला मारहाण केली. परस्परविरोधी दिलेल्या तक्रारीवरून दोन्ही गटातील चार जणांविरुद्ध गुन्हा दाखल करण्यात आला आहे.
