मलकापूर : तालुक्यातील
दाताळ्यात रविवारी दुपारी ४.३० वाजताच्या सुमारास लोखंडी रॉड व दगडाने मारहाण करून जखमी केल्याची घटना घडली. याप्रकरणी मलकापूर ग्रामीण पोलिसांनी वरखेड व निंबारी येथील पाचजणांविरुध्द गुन्हा दाखल केला आहे.
यासंदर्भात शिवलालसिंह महेंद्रसिह राजपूत (वय ३२ वर्षे) रा. दाताळा यांनी मलकापूर ग्रामीण पोलिसांत तक्रार दिली. त्यामध्ये वरखेड येथील रहिवासी अभिजितसिंह अजितसिंह राजपूत यांनी रविवारी दुपारी त्यांच्या घरासमोरील टिनशेड पाडले. त्यानंतर वाद उफाळून आला. पोलिसांनी अभिजितसिंह अजितसिंह राजपूत, प्रविणसिंह रवींद्रसिंह राजपूत, राहुल रवींद्रसिंह राजपूत, रोशन उर्फ भय्या बंडूसिंह राजपूत रा. वरखेड व नैनेश बाबूसिंह राजपूत रा. निंबारी या पाच जणांविरुध्द गुन्हा दाखल केला.
