मलकापूर:- अल्पवयीन तरुणाने गळफास घेऊन जीवन यात्रा संपवल्याची घटना आज दिनांक 21 सप्टेंबर रोजी दुपारी 1 वाजेच्या सुमारास शहरातील हनुमान नगर येथे उघडकीस आली.
याबाबत सविस्तर वृत्त असे की ( दुर्गेश अतुल चोपडे वय 16 ) वर्ष रा. हनुमान नगर या तरुणाने राहत्या घरात दोरीच्या साह्याने गळफास घेऊन आत्महत्या केली. दुर्गेश चे वडील घरी आल्यानंतर दरवाजा आतून बंद असल्याने वडिलांनी खिडकीतून डोकावून पाहिले असता दुर्गेश गळफास घेतलेल्या अवस्थेत दिसून आल्याने ही घटना उघडकीस आली. या घटनेची माहिती पोलिसांना मिळताच तात्काळ घटनास्थळ जाऊन पंचनामा करून मृतदेह शवविच्छेदनाकरिता मलकापूर उपजिल्हा रुग्णालयात दाखल केला. दुर्गेशने आत्महत्या का केली अद्याप समजू शकले नाही. या घटनेचा पुढील तपास मलकापूर पोलीस करीत आहे.
