मलकापूर येथील पद्मश्री डॉ. वि. भि. कोलते अभियांत्रिकी महाविद्यालयात प्रजासत्ताक दिन जल्लोषात साजरा करण्यात आला. कार्यक्रमाचे प्रमुख पाहुणे म्हणून प्रसिद्ध आयटी कंपनी फिक्सनोव्हेशन झेडचे सीईओ प्रसाद सर उपस्थित होते. त्यांनी आपल्या प्रेरणादायी मार्गदर्शनातून विद्यार्थ्यांना औद्योगिक क्षेत्रात नवे क्षितिज गाठण्याचा सल्ला दिला. त्यांनी हैदराबाद, पुणे यांसारख्या मोठ्या शहरांसह मलकापूरसारख्या ग्रामीण भागात उद्योग स्थापन करून रोजगार निर्मितीस चालना दिल्याबद्दल त्यांचे विशेष कौतुक करण्यात आले. कार्यक्रमाची सुरुवात ध्वजारोहणाने झाली. प्रजासत्ताक दिनाच्या महत्त्वावर प्रकाश टाकत प्रमुख पाहुण्यांनी राष्ट्रीय एकात्मतेच्या जडणघडणीबाबत मार्गदर्शन केले. त्यांनी ग्रामीण भागातील विद्यार्थ्यांना उद्योजकतेच्या संधींबाबत प्रेरणा देऊन या भागातील प्रगतीचा पाया भक्कम करण्याचे आवाहन केले.
महाविद्यालयाचे प्राचार्य डॉ. अनिल खर्चे यांच्या नेतृत्वाखाली कार्यक्रमाचे उत्कृष्ट आयोजन करण्यात आले. प्रशासकीय डीन डॉ. युगेश खर्चे, आयक्यूएसी प्रमुख प्रा. रमाकांत चौधरी आणि प्राध्यापक वर्गाने कार्यक्रमाच्या यशस्वी आयोजनासाठी मेहनत घेतली. प्रा. संदीप खाचणे, प्रा. नितीन खर्चे, प्रा. संतोष शेकोकार, प्रा. सुदेश फरपट, प्रा. साकेत पाटील, प्रा. महेश शास्त्री, प्रा. जयप्रकाश सोनोने, प्रा. संगीता खर्चे, डॉ. मंजिरी करांडे, प्रा. तेजल खर्चे यांसारख्या प्राध्यापकांसह शिक्षकेतर कर्मचारी आणि विद्यार्थ्यांनी मोठ्या संख्येने सहभाग नोंदवला.
कार्यक्रमात एनसीसी आणि एनएसएस विद्यार्थ्यांनी देशभक्तीपर सांस्कृतिक कार्यक्रम सादर केले. विद्यार्थ्यांनी देशभक्तीपर संदेश देत राष्ट्रीय एकात्मतेचे महत्त्व अधोरेखित केले. उपस्थित विद्यार्थ्यांनी देशासाठी योगदान देण्याचा निर्धार व्यक्त केला. कार्यक्रमाच्या यशस्वी आयोजनामुळे प्रजासत्ताक दिनाचे महत्त्व अधिक वाढले. ग्रामीण भागात औद्योगिक आणि शैक्षणिक प्रगती साधण्याच्या या प्रयत्नाचे सर्व स्तरातून कौतुक होत आहे. महाविद्यालयाने या निमित्ताने प्रजासत्ताक दिन साजरा करण्याच्या माध्यमातून विद्यार्थ्यांना देशाच्या प्रगतीचा आदर्श दिला आहे.
