खामगाव : प्रेम संबंधातून विवाहितेसोबत शारीरिक संबंध प्रस्थापित करून तिला धर्मांतराची गळ घातली व नंतर तिच्यासोबत लग्न करण्यास नकार दिला अशा आशयाच्या तक्रारीवरून शिवाजीनगर पोलिसांनी विवाहित तरुणांसह तिघांविरुद्ध विविध कलमाने गुन्हे दाखल करून एकाला अटक केली आहे.स्थानिक शिवाजीनगर पोस्टेच्या हद्दीतील जुना फैल भागातील पंचवीस वर्षीय विवाहित तरुणाने विवाहित तरुण महिलेसोबत प्रेम संबंध प्रस्थापित केले यामधून त्याने तिच्यासोबत ठराविक कालावधीपर्यंत शारीरिक संबंध ठेवले आणि तिला धर्मांतरासाठी गळ घातली व नंतर तिच्यासोबत लग्न करण्यासही नकार दिला. सदर विवाहित तरुणीने याबाबत शिवाजीनगर पोस्टेला घडलेल्या या प्रकाराबाबत सविस्तर तक्रार दिली. ही तक्रार शिवाजीनगर पोस्टेला दाखल होताच सदर तरुणाने या तरुणीवर तक्रार मागे घेण्यासाठी दबाव आणण्याचा प्रयत्न केला. असे सदर विवाहित तरुणीने दिलेल्या तक्रारीत म्हटले आहे.याबाबत शिवाजीनगर पोलिसांनी आरोपी मो समीर मो नजीर, मो नजीर मो खैरु अधिक एक महिला अशा तिघांविरुद्ध बलात्कारासह विविध कलमान्वये गुन्हे दाखल करून सदर आरोपींना अटक केली आहे.
प्रेम संबंधातून शारीरिक संबंध ठेवले नंतर लग्नास नकार दिला, विवाहित तरुणावर बलात्काराचा गुन्हा दाखल!
