मलकापूर :- शॉर्ट सर्किटमुळे दुचाकीला आग लागल्याची घटना आज दि.17 जून रोजी दुपारी बारा वाजताच्या सुमारास मलकापूर शहरातील पंतनगर रोडवर घडली. शहरातील पंतनगर रोड वरून एक व्यक्ती दुचाकीने जात असतांना अचानक त्यांची दुचाकी रस्त्यावर बंद पडली. त्यांनी खाली उतरून दुचाकी रस्त्याच्या बाजूला घेऊन चालू करण्याचा प्रयत्न केला परंतु दुचाकी चालू होत नसल्याने त्यांनी गाडीचा चॉक खाली वर करून पाहिला त्यानंतर दुचाकीची किक मारल्यानंतर शॉर्ट सर्किट होऊन दुचाकीला आग लागली. त्यानंतर सदर व्यक्ती गाडीच्या खाली उतरून त्यावर मातीचा मारा करू लागला मात्र आग विझत नसल्याने बाजूच्या दुकानदाराकडून पाणी आणून आग विझवण्याचा प्रयत्न केला मात्र त्याचाही आगीवर परिणाम झाला नाही. दुचाकीची आग वाढतच असल्याने परिसरातील एका व्यावसायकाने त्याच्या दुकानातील फायर सिलेंडर आणून आगीवर नियंत्रण मिळविले. हाकेच्या अंतरावरच पेट्रोल पंप असल्याने पुढील अनर्थ टळला.
