(उमेश ईटणारे)
मलकापूर: मलकापूरमध्ये आज १६ नोव्हेंबर २०२४ रोजी सायंकाळी ६ वाजता सुप्रसिद्ध गायिका शेहनाज अख्तर यांचा भव्य स्टेज शो आयोजित करण्यात आला आहे. आधी हा कार्यक्रम चांडक विद्यालयाच्या पटांगणावर होता मात्र काही कारणास्तव कार्यक्रम आता बुलढाणा रोडवरील समर्पण लॉन येथे होणार आहे.
या कार्यक्रमाचे आयोजन समस्त जागृत हिंदू युवा कार्यकर्त्यांनी केले आहे, आणि मलकापूरमध्ये पहिल्यांदाच शहनाज अख्तर यांच्या गाण्यांचा ऐतिहासिक शो होणार असल्याने तालुका व जिल्ह्यातील हजारो हिंदू बांधव उपस्थित राहण्याची शक्यता आहे. त्यांच्या सुमधुर आवाजातले भव्य गीत ऐकण्यासाठी नागरिक मोठ्या संख्येने येणार आहेत.
कार्यक्रमाच्या माध्यमातून हिंदू धर्माची जागरूकता आणि एकात्मतेचा संदेश दिला जाईल, तसेच सर्व उपस्थितांना एकत्र येण्याची प्रेरणा मिळेल. समस्त जागृत हिंदू युवा मलकापूर यांच्या वतीने या कार्यक्रमासाठी मोठ्या प्रमाणावर उपस्थितीची अपेक्षा व्यक्त करण्यात आली आहे.
ठिकाण: समर्पण लॉन, बुलढाणा रोड
तारीख: १६ नोव्हेंबर २०२४, शनिवार
वेळ: सायंकाळी ६ वाजता
