मलकापूर – तहसीलदार मलकापूर यांच्या शासकीय वाहन चालक व खाजगी वाहन चालकाचा वाहन बायोडिझेल तस्करांशी संबंध असल्याचा आरोप करण्यात आला आहे. यासंदर्भात मुनna राठोड यांनी उपविभागीय कार्यालयाकडे तक्रार दाखल केली आहे.
तक्रारीनुसार, शासकीय वाहन चालक दिलीप तायडे यांचे तस्करांशी आर्थिक व्यवहार असून, मोठ्या प्रमाणावर बायोडिझेलचा अवैध साठा आणि वाहतूक होत असल्याचा दावा करण्यात आला आहे. तसेच, खाजगी वाहन चालक मनोज यांनाही तस्करीशी जोडले जात आहे.
तक्रारदाराने दिलेल्या माहितीनुसार, या प्रकरणाची सखोल चौकशी करून संबंधितांवर कारवाई करण्यात यावी, अन्यथा आंदोलन छेडण्याचा इशारा दिला आहे.
▪ बायोडिझेल तस्करीचा आरोप – नेमकं काय प्रकरण आहे?
मलकापूर तहसील कार्यालयातील शासकीय वाहन चालक दिलीप तायडे आणि खाजगी वाहन चालक मनोज यांचा बायोडिझेल तस्करांशी थेट संपर्क असल्याचा आरोप करण्यात आला आहे. तक्रारीनुसार, या वाहन चालकांचा तस्करांशी आर्थिक व्यवहार होत असून, शासकीय वाहनांचा गैरवापर केला जात आहे.
▪ कसे केले जाते तस्करीचे व्यवहार?
➡ वाहन चालक दिलीप तायडे हे नियमित तस्करांच्या संपर्कात असून, त्यांच्यासोबत फोन कॉल, हॉटेल भेटी आणि अन्य माध्यमांतून संवाद साधत असल्याचा संशय.
➡ बायोडिझेलच्या मोठ्या प्रमाणावर वाहतुकीसाठी शासकीय व खाजगी वाहने वापरण्यात येत असल्याचा दावा.
➡ महिन्याला हजारो लिटर बायोडिझेलचा अवैध साठा केला जात असून, ते पुढे विकले जात असल्याची शक्यता.
➡ प्रत्येक महिना मोठ्या प्रमाणात आर्थिक उलाढाल होत असल्याचे तक्रारदाराचे म्हणणे.
▪ पुरावे आणि संशयास्पद हालचाली
➡ दिलीप तायडे यांनी बायोडिझेल तस्करांशी नियमित संपर्क ठेवल्याचे कॉल रेकॉर्ड आणि इतर माध्यमांतून समोर आले आहे.
➡ अवैधरीत्या वाहतूक झालेल्या वाहनांचे तपशील आणि संभाव्य आर्थिक व्यवहारांवर संशय.
➡ तक्रारदाराने प्रशासनाकडे या सर्व प्रकरणाची चौकशी करून सत्य समोर आणण्याची मागणी केली आहे.
▪ पुढील कारवाई काय होणार?
➡ तक्रारदार मुन्ना राठोड यांनी दिलेल्या तक्रारीची दखल घेऊन प्रशासनाने तपास सुरू केला तर संबंधित दोषींवर कारवाई शक्य.
➡ मुख्यमंत्री, उपमुख्यमंत्री, विभागीय आयुक्त व जिल्हाधिकारी यांना तक्रारीची प्रत पाठवली गेली आहे.
➡ 10 दिवसांत ठोस कारवाई न झाल्यास आंदोलनाचा इशारा.
