मोताळा: तालुक्यातील पिं. देवी ते धा. बढे रोडवर १९ नोव्हेंबर रोजी दुपारी ४ वाजेच्या सुमारास क्रुझर व दुचाकीची समोरासमोर धडक झाली. या अपघातात दुचाकीवरील ४५ वर्षीय अलका जाधव यांचा जागीच मृत्यू झाला, तर २० वर्षीय अश्वीन चव्हाण गंभीर जखमी झाला. माहितीनुसार, पिंपळगाव देवी येथून अश्वीन चव्हाण त्याच्या मावशी अलका जाधव यांना घेऊन हनवतखेड कडे जात होता. त्याचवेळी धा. बढे येथून येणाऱ्या क्रुझरने दुचाकीला धडक दिली. या धडकेत अलका जाधव यांचा मृत्यू झाला, तर अश्वीन चव्हाण जखमी झाला.
घटनेची माहिती मिळताच धा. बढे पोलिस ठाण्याचे ठाणेदार नागेश जायले व त्यांच्या सहकाऱ्यांनी घटनास्थळी पोहोचून पंचनामा केला. दोन्ही अपघातग्रस्त वाहने पोलिस ठाण्यात जमा करण्यात आली. जखमी अश्वीन चव्हाणला प्राथमिक उपचार करून बुलडाणा येथे रेफर करण्यात आले. क्रुझर चालक शिवम गजानन आमले (रा. बुलडाणा) याला पोलिसांनी ताब्यात घेतले असून, पुढील तपास सुरू आहे.
