खामगाव : तोरणा नदीच्या पात्रात एका 40 वर्षीय महिलेचा मृतदेह सापडल्याची घटना उघडकीस आली आहे. मृत महिलेचे नाव सरला राजू पांढरे असे आहे. त्या गावाजवळच्या तलावात कपडे धुण्यासाठी गेल्या होत्या.
12 डिसेंबर रोजी सकाळपासून त्या बेपत्ता होत्या. त्यांचा मृतदेह स्थानिक लोकांना नदीच्या पात्रात आढळून आला. घटनेची माहिती मिळताच गावकऱ्यांनी पोलिसांना कळवले. पोलीसांनी पंचनामा करून मृतदेह ताब्यात घेतला.प्राथमिक चौकशीनंतर हा मृत्यू अपघाती असल्याचा अंदाज वर्तवण्यात आला आहे. मात्र, नेमके कारण तपासासाठी मृतदेह शवविच्छेदनासाठी पाठवण्यात आला आहे.तहसीलदार, पोलिस निरीक्षक, सरपंच आणि पंचायतीचे सदस्य घटनास्थळी उपस्थित होते. या दुर्दैवी घटनेमुळे गावात हळहळ व्यक्त होत आहे. पुढील तपास पोलिसांकडून करण्यात येत आहे.
